Lundeneset ønsker kontakt med tidlegare elevar og støttespelarar

Me er stolte over å sjå korleis LVS veks og utviklar seg, og me veit at våre tidlegare elevar er ein uvurderleg del av både historia og framtida til Lundeneset. Vår visjon er å halde fram med å ruste neste generasjon med både solid fagleg kunnskap og eit trygt verdigrunnlag.

Vi sender ut SMS – då treng me ditt samtykke

For å kunne halde deg informert, sender me snart ut ein SMS til deg som tidlegare elev, eller nyleg har vært forelder ved skulen. Denne meldinga ber deg om eit enkelt samtykke for at me skal kunne sende deg relevant informasjon om skulen, viktige hendingar og milepålar framover via SMS og/eller e-post.

Dette samtykket er viktig for at me skal kunne følgje opp dei gjeldande personvernreglane, samstundes som du får eit «gløtt inn» i kvardagen og utviklinga på LVS.

Er du klar for å bli ein del av nettverket igjen? Gje ditt samtykke og oppdater kontaktinformasjonen din allereie no ved å trykke her.

Kvifor vil Lundeneset ha kontakt?

Lundeneset er meir enn berre ein skule; det er eit fellesskap. Me ønsker at våre tidlegare elevar skal vere med å heie på skulen og den neste generasjonen elevar. Ved å halde kontakten kan du blant anna få:

• Invitasjonar til jubileum og spesielle samlingar.
• Moglegheita til å bidra på ulike måtar med di erfaring.
• Innsikt i kva som skjer på skulen din i dag via vårt kvartalsvise e-postnyheitsbrev: LVS-Nytt.

Du treng ikkje vente på SMS-en! Ved å registrere deg og gje samtykke, sikrar du at du ikkje går glipp av viktig informasjon og invitasjonar.

Me gler oss til å høyre frå deg og byggje vidare på det sterke LVS-fellesskapet! Saman kan me bety mykje for dei som kjem etter. Meir informasjon om korleis du kan få mer informasjon som alumni finn du her.