Inviterer til dugnad

Som tidlegare år er det varierte oppgåver og prosjekt som skulen håpar å få utført på årets dugnad 1. mai.

− Me har oppgåver både ute og inne, så me håpar at mange kan vera med. Me har behov for både fagfolk og andre dugnadsglade hjelparar, seier driftsleiar Arne Voll.

I år står mellom anna utvendig tømrararbeid, maling, hagearbeid, produksjon av benkar og montering av skap på lista. I tillegg skal det godt brukte graset på kunstgrasbanen skiftast ut, delvis ved hjelp av dugnadsressursane. Etter kvart skal det koma nytt, miljøvenleg dekke på fotballbanen.

Arne håpar på at årets dugnad blir ein dag med godt samarbeid og fellesskap, god stemning og meiningsfylt arbeid. På dugnaden jobbar alle i lag for å gjera skulen endå meir innbydande og triveleg.

− Dette har blitt ein fast og viktig del av det kontinuerlege vedlikehaldsarbeidet på Lundeneset. Så dette har verkeleg stor betydning for oss, held Arne fram.

I år fell dugnadsdagen på ein fredag. Tradisjonen tru blir det rekefest for alle kvelden før kl 20. Ta kontakt dersom du treng overnatting frå tysdag til onsdag

Programmet for fredag 1. mai blir slik:

07.30: Frukost – viktig å samle krefter til dugnaden

08.00: Oppgåvefordeling, dugnaden startar

10.00: Kaffipause

12.00: Lunsj

14.00: Kaffipause

16.00: Me rundar av dagen med pizza og feirar dagens innsats!

Du er hjarteleg velkommen til å bli med på dugnaden, anten du har vore med mange gonger før, eller dette er første gong. Me er veldig takknemlege for alle som bidrar! Som regel er det ein god blanding av tidlegare og noverande elevar, tilsette og andre Lundenes-venner på dugnaden.

Påmelding: SMS/TLF til Leon Dyngeland (907 49 748) eller Arne Voll (481 51 911), eller på e-post til avoll@lvs.no.