Flott foreldrebesøk på Lundeneset

Foreldre og føresette kan sjølvsagt koma på besøk så ofte dei vil, men på foreldredagen laurdag 2. november fekk dei eit innhaldsrikt program med på kjøpet. I år starta dagen med føredrag ved tidlegare stortingsrepresentant Geir Toskedal. Han delte sine tankar og refleksjonar rundt demokrati og medborgarskap, eitt av dei tverrfaglege temaa i den overordna læreplanen.

På scenen i ein nesten fullsett gymsal, viste Toskedal til visjonen til Lundeneset, som er å danna og utrusta morgondagens samfunnsbyggarar.  Vidare gav han dei rundt 450 tilhøyrarane eit historisk tilbakeblikk på nasjonen vår. Han viste med mange døme kor heldige me er som får veksa opp og leva i eit demokrati som Noreg er.

Denne laurdagen tel som ein av dei 190 obligatoriske skuledagane for elevane.

Forutan føredrag, var det det klassevise foreldremøte, og samtalar med lærarar for foreldre og elev. I tillegg til dette hadde russen og ungdomsbedriftene ved skulen aktivitetar og utstillingar.