Status for nybygget

Det fortel driftsleiar Arne Voll, medan han viser rundt i bygget som skal vera ferdig til sommaren. Her inne er det godt og varmt. Taket er ferdig isolert, nesten alle vindauge er på plass og tørkeprosessen er godt i gang. Driftsleiaren forklarer at mykje av betongen inne i bygget skal malast for å støvbindast. Utvendig er arbeidet med taktekking og terrassetekking ferdig, og arbeidet med å kle bygget er godt i gang.

– No har me både elektrikarar og røyrleggjarar i sving, i tillegg til folk som arbeider med ventilasjon og automatisering, seier Voll.

I næraste framtid startar òg arbeidet med å byggja scene i møtesalen, og eksisterande vegg inn til matsalen skal rivast, slik at ein får opna opp og kobla saman bygga.