Skulepolitikk og klima engasjerte

Ei veke før kommune- og fylkestingsvalet var det valdebatt og skuleval på Lundeneset. Sakene som stod på programmet engasjerte tilhøyrarane.

Alle stortingspartia sine ungdomsrepresentantar var tilstades i møtesalen på Lundeneset denne mandagsmorgonen. Etter at kvart parti hadde haldt sitt opningsinnlegg, var det tid for debatt av dagens to store tema: Skulepolitikk, og klima- og miljøspørsmål.

Alle elevane sat som tilhøyrarar i salen på debatten. Men dei fekk også kome til orde med eigne spørsmål til politikarane. Tema som friskulepolitikk og fråværsgrense skapte engasjement både hjå panelet og publikum i salen.

Debatten varte i to timar. Etterpå var det valtorg i foajeen på Lundeneset. Her hadde alle partia eigne stands med informasjon. Mange hadde tid til å stoppa igjen og ta ein prat med ungdomsrepresentantane.

Skuledagen slutta med skuleval for heile skulen. Me oppdaterer når resultatet er klart!

[ngg src=»galleries» ids=»36″ display=»basic_slideshow»]