Inspirerande forfattarbesøk

Å lesa ein roman kan opplevast som eit tiltak. På same tid er det kjekt å lesa ei god bok, og det gir ei god kjensle å lesa ferdig ei bok. I september og oktober har 3ST hatt eit leseprosjekt i norsk. Klassen har lese romanen «Før jeg brenner ned» av Gaute Heivoll. Målet er at alle skal laga ein presentasjon av boka, eit såkalla litterært program.

Den siste veka har klassen jobba litt utradisjonelt i norsktimane. Etter å ha diskutert boka i grupper i gymsalen, var det både kjekt og lærerikt med norsk fagdag der klassen fekk møta forfattar Gaute Heivoll som står bak 25 titlar. Heivoll kommuniserte godt med elevane, og mange hadde spørsmål til han, både om boka og litteratur og språk generelt. Heivoll uttrykte at det var inspirerande å treffa den unge lesargruppa. Kanskje han har fått nokre nye lesarar?

Tekst og foto: Rolf Hauge

3ST fordjupar seg for tida i boka «Før jeg brenner ned» av Gaute Heivoll»