1.040.000 frå Lundenesrussen

Elise Haugland frå Norsk Luthersk Misjonssamband fekk sjekken av elevane, og var tydeleg takknemleg og imponert over det elevane har fått til i løpet av skuleåret.

— Det som de har fått til dette året forandrar liv, sa ho i takketalen sin.

I løpet av året har elevane brukt ulike verkemiddel for å nå innsamlingssummen. Den aktiviteten som medverkar med den største summen, er misjonsløpet som elevane sprang sist haust. Då kom det inn rundt 800.000.

— Konkret går pengane me har samla inn i år til helse og utdanning, samfunnsbygging, barne- og ungdomsarbeid og kristent arbeid i Indonesia, seier nyleg avgått prosjektsjef i russen, Sander Johan Gilje.

I tillegg overrekte elevane ein sjekk på 90.000 kroner som skal gå til tiltak på internatet på Lundeneset.